ياه على قلبك - لشاعر الحب محمد عمر

 ياه على قلبك
لشاعر الحب .. محمد عمر

شفتك و انت ماشى معاها
شفتك و انت ايديك ف ايديها
شفتك بتكلمها و تضحك
و عيونك و الحب ماليها
وساعتها ما صدقتش نفسى
كنت ف قمة حزنى و ياسى
اتاريك عمال تلعب بيا
وتاخد من حبى و تديها
..... ياه على قلبك ......

الحلم الوردى اللى انا عشته
و الحب اللى بقلبى شفته
و الشوق اللى كان ف عيونك
وباحساسى انا صدقته
........ كان اوهام .........
كان اوهام و اتاريه مش ليا
كانت صدمه كبيره عليا
رسمت جوه عيونى دمعه
والحزن بقى معشش فيها
...... ياه على قلبك .....

ليه تكدب و تقولى باحب
ليه تخلينى اصدق قلبك
ليه تعيشنى ف احلى امانى
و تخلينى اعيش مع حبك
كنت بتحلف ان الدنيا
من غير حبى ما تبقاش دنيا
و الحلفان كان اكبر كدبه
عشت سنينى و عمرى عليها
....... ياه على قلبك ........

شاعر الحب
محمد عمر